Memoires croisées · 1617 · Memorias cruzadas

Un curso máis (e xa van catro!) levamos a cabo un proxecto intercentros, un intercambio lingüístico con moita trasversalidade -a memoria histórica-. Alumnas e alumnos de francés de 3º ESO traballan a reo durante o curso para acoller aos seus correspondentes de Ailly-le-Haut-Clocher, en Picardía (Francia).
Grupo boirenseGrupo francés

Eles virán a Boiro, durante unha semana, a fináis de xaneiro; nós viaxaremos a Ailly no mes de marzo.

Durante ese tempo conviviremos, compartiremos lingua e cultura, hábitos e familia. Ademais, amosaremos o traballo feito arredor da nosa historia (Guerra Civil, dictadura, transición, memoria histórica…) e achegarémonos ao feito polo grupo francés sobre a súa (I e II Guerra Mundial). Terémosvos ao tanto do progreso!

“Le Petit Prince”, unha desfeita!

Alumnado de francés antes de entrar no teatro.

Alumnado de francés antes de entrar no teatro.

Pois aí estabamos, a piques de entrar a ver a respresentación do “Petit Prince” (O principiño). Levabamos case un mes traballando sobre o autor, a obra, a peli de animación que fixeron hai pouco… e por fin, iamos ver a versión teatral. A compañía chámase Voilà! e é un espectáculo xestionado por Eina d’Escola, unha empresa catalana que promove teatro para escolares.

A obra foi un calamidade: interpretación dos actores desastrosa, que nin sabían o seu papel, execución técnica catastrófica (case sen ilumnación, microfonía, volume excesivo, erros nas entradas da música…) e posta en escea moi cuestionable e nada fiel ao conto de Saint-Exupéry. Moi decepcionante.
Saímos coa sensación de termos sido estafados. Agora estamos a falalo en clase, facendo a nosa terapia de grupo: debemos aprender a diferenciar o teatro, o bo, de insultos escénicos coma este e, antes ca todo, non perder a gana de ver e facer teatro.