Cóntanolo así de ben Alejandro de 2ºB: volve o STARgal!

O pasado 16 de maio do 2016 celebrouse no IES A Cachada o Stargal, un “concurso” que se celebra con motivo da conmemoración das letras galegas. Como ben sabedes, este deixou unha grande pegada na historia do centro. Segundo as nosas fontes de información descubrimos que dentro de dúas semanas, coincidindo co 16 de maio, volverá a celebrarse este concurso. Isto foi posíbel grazas aos esforzos por parte de alumnos e profesores, que fixeron todo o que estaba nas súas mans para que isto sucedera. Este ano tense como obxectivo defender o éxito gañado o ano pasado. O grupo de extraescolares do instituto contounos as novidades que haberá este ano. O concurso vai contar con varios xogos creados polos alumnos coa axuda dos profesores, entre eles Ana Moreiras e Javier Bao. Nesta celebración implicáronse diversos departamentos como son os de Tecnoloxías, Matemáticas e Lingua Galega, á parte do grupo de extraescolares.
Entre estes xogos vai haber varios videoxogos, de dous niveis: primaria e primeiro da ESO e segundo, terceiro e cuarto da ESO; tutoriais, videopoemas, contacontos e booktráilers; un circuíto polo que temos que levar a un robot para chegar ao seu destino; e moitos máis. Ademais, este día, completarase cunha obra de teatro interpretada polo grupo de teatro do centro e pola tarde, magos, ilusionistas e monologuistas visitarán o centro para deleitar aos alumnos co seu talento.
Desde os departamentos de Lingua Galega e Tecnoloxías informáronnos de que moitas das creacións feitas para este día, como son os tutoriais participarán nun concurso a nivel galego cun premio de mil euros que, en caso de ser conseguido, será destinado para o Cachatrip.