O MAGOSTO, QUE BEN O PASAMOS!

Como todos e todas sabedes, o pasado martes, 8 de novembro, celebramos o tradicional magosto no noso instituto. Un ano máis, o Equipo de Dinamización da Lingua Galega deseñou unha serie de actividades lúdicas nas que participaron tanto alumnado como profesorado. Puidemos tirar da corda, xogamos á billarda, ao pano, ás carreiras de sacos… Os máis ousados atrevéronse cos zancos e, por suposto, houbo quen se marcou un baile grazas ao magnífico dj que se encargou da música. Queremos aproveitar a ocasión para agradecer a vosa participación e colaboración; moi especialmente ao equipo de alumnos que dirixiu os xogos tradicionais, ao de maquillaxe terrorífica, ás mozas de prensa (Paula e Rebeca). Tamén aos asadores de castañas (Eduardo e Richar), que ademais nos deleitaron cunha demostración de baile; ao equipo directivo que non parou de encher cucuruchos de castañas e tamén ao de limpeza que quedou despois a recoller todo. Cremos que malia que o tempo non axudou moito, o magosto foi todo un éxito. Aquí vos deixamos algunhas imaxes que o demostran.